Upper MAU Camp

Nilamon na ng kagubatan ang mga Quonset huts na nagsilbing barracks noon ng mga U.S. Marines sa Upper Marine Amphibious Unit (MAU) Camp makalipas ang mahigit sa 30 taon mula nang lisanin ng mga Amerikano ang kanilang dating base militar sa Subic Bay. Mainit ngayon ang usapin sa posibleng pagbabalik ng mga sundalong Amerikano sa ilang estratehikong base sa bansa sa ilalim ng pinalawig na Enhance Defence Cooperation Agreement o EDCA.